Интервью: Замира Курбанова
Маникюр бўйича уста, Nailsworkshop студиясининг асосчиси, ақлли ва гўзал Замира Курбанова бизнинг блогимизга берган интервьюсида бенуқсон қўллар, Коко Шанель ва 5 дақиқа ичида макияж қилиш ҳақида ҳикоя қилди. Ўқинг ва билиб олинг.
Сиз маникюр бўйича жуда таниқли устасиз, айтингчи, нима учун сиз ўз мижозларингиз орасида шунчалик таниқли бўлиб қолгансиз?
Мен, ўз ишини яхши кўрадиган ҳар қандай инсон муваффақиятга эришиши муқаррар деб ҳисоблайман. Мен ўз ишимни жуда яхши кўраман – ва менинг ўрнимда ўтирган ҳар бир инсон шу нарсани ўзида ҳис қилади, деб ўйлайман.
Ўз мижозларингиз орасида таниқли шахслар борми? Улар кимлар? Ким билан ишлаш сизга кўпроқ ёқади?
Менинг мижозларим орасида турли ёшдаги, турли касбдаги, турли ижтимоий мақомга эга бўлган қизлар бор, ва мен уларнинг ҳар бирига ўз дўстимдек муносабатда бўламан. Менга текширмай-нетмай ишлаш, янги одамларни учратиш, уларнинг таъбларини ва истакларини тушуниш ёқади.
Сиз тирноқ сервиси бўйича ўзингизнинг шахсий салонингизни очгансиз. Нима учун мана шундай масъулиятли қадамни босишга аҳд қилдингиз?
Бу асосан ўз мижозларим туфайли содир бўлди. Сўнгги ойлар ичида “Замирадан” сифатли тирноқларқа бўлган эҳтиёж шунчалик ўсдики, мен: бошқа йўл йўқ, ва ўзини nailsworkshop жодуси каби ҳис қилишни истаган ҳар бир аёлни хурсанд қилиш учун, йирикроқ майдонга чиқиш керак, деган хулосага келдим.
Сизга кўпроқ қандай турдаги маникюр ёқади? Қандай турларини бажаришни, қандай турини ўзингизга қилишни яхши кўрасиз?
Айни дамда, ҳар доимгига қараганда, тирноқдаги геометрия долзарб саналади, ҳошия ёки гулча, ялтироқ, ялтироқ ва яна бир марта ялтироқ кўринишидаги минимализм – жуда оммалашган.
Ўзим эса фақат пастел ранг-тусларни ёқтираман (ҳозир эса, тирноғимни қизил ранг билан бўяб олиб, “қийналиб” юрибман).
Косметика қутичангизда доимо нималарни олиб юрасиз?
Косметика қутичамда мен “L'Oréal”дан тус берувчи крем, тирноқэговлагич , ва албатта ёнимда, агар косметика ҳақида гап кетаётган бўлса – хайлайтер (порлаб туришни яхши кўраман), сарғишсимон жилосиз лаб бўёғи, контур ва ёғупа олиб юраман.
Долзарб оқимлар, мода тасвирлари ва трендларини кузатиб борасизми? Бу сизнинг ишингизга қандай таъсир кўрсатади?
Менинг касбим қўлимни доимий суръатда тутишга ундайди. Гўзаллик соҳасида ишлайдиган, ўзини экстра-класс профессионал деб ҳисоблайдиган ҳар бир инсон кириб келаётган мавсумда нима модада бўлишини билиши шарт.
Агар 5 дақиқа ичида макияж қилишга тўғри келиб қолса, нима қилган бўлар эдингиз?
Табиийки, порлаб туриш – мен учун ҳамма нарса саналади, мен ўз гўзаллигимни енгил макияж билан кўрсатиб ўтишни яхши кўраман. Кўзларимга туш суртиб, енгил тон ва ёғупа суртиб олиш учун менга 5 дақиқа етади – ва менинг образим тайёр!
Услубингизнинг маъбуди борми? Улар кимлар?
Мен учун маъбудлар йўқ, бироқ услуби менга яқин бўлган одамлар бор. Масалан – Ганя Усманова.
Аёллар ва қизларга ўзларини парваришлаш борасида қандай тавсиялар берган бўлар эдингиз?
Мен аёллар ва қизларга ўзларининг қўлчаларини доимо парваришлаб юришларини тавсия қилган бўлар эдим, чунки уларга қараб биз билан сизнинг ёшимизни билиб олиш осон бўлади (табассум қилади). Шунингдек, мен ҳеч қачон сочиқ билан артинмайман,фақат қоғоз сочиқ билан артинаман, бу жуда самарали экан.
Сиз жуда кучли аёлсиз. Ўз услубингизни қандай тавсифлаб бера оласиз? Қаердан илҳомланасиз?
Хизмат юзасидан мен жозибадор ва профессионал бўлиб кўринишим керак. Агар ишдан ташқари вақтда нимани яхши кўришим ҳақида гапирадиган бўлсам – бу белгиланган доирадан чиқиш мумкин бўлган fusion услуби ва бирлашмайдиган нарсаларни бирлаштиришни яхши кўраман.
Сизнинг мода, гўзаллик ёки услуб ҳақидаги севимли иборангиз борми? У қандай?
Агар сиз бирор аёлнинг гўзаллигидан ҳайратга тушиб қолсангиз, бироқ у нима кийиб олганлигини эслай олмасангиз, - демак у бенуқсон кийинган бўлган. Бир вақтлар Коко Шанель шундай деган эди.
Бизнинг ўқуввчиларимизга ўз тилакларингизни билдирсангиз.
Азиз қизлар! Ҳамма нарса ўз қўлларингизда эканлигини унутманг, шунинг учун уларни ҳеч қачон туширманг ва доимо парваришланг.
